ഖത്തർ കേരള ഇസ്‌ലാഹി സെന്റർ ക്രിയേറ്റിവിറ്റി വിംഗ് ഖത്തർ ദേശീയ കായിക ദിനത്തോടനുബന്ധിച്ച് നടത്തിയ ഫുട്ബോൾ മത്സരത്തിൽ മുഹമ്മദ് ഫബിൽ, അബ്ദുസമദ്, മുഹമ്മദ്നാസിഷ് എന്നിവർ നേടിയ ഗോളുകളിലൂടെ വൈറ്റ് ആർമിയെ എതിരില്ലാത്ത 3 ഗോളുകൾക്ക് പരാജയപ്പെടുത്തി ബ്ലൂ ലെജന്റ്സ് ചാമ്പ്യന്മാരായി.
നേരത്തെ റെഡ് വാരിയേഴ്സും യെല്ലോ സ്ട്രൈക്കേഴ്സും തമ്മിൽ നടന്ന ആവേശകരമായ ലൂസേഴ്സ് ഫൈനൽ 1-1 ന് സമനിലയിൽ അവസാനിച്ച് ഷൂട്ടൗട്ടിലേക്ക് നീങ്ങുകയായിരുന്നു.
ടൂർണമെന്റിന്റെ താരമായി മുഹമ്മദ് ഫബിലിനെയും എമർജിംഗ് പ്ലയറായി മുഹമ്മദ് നാസിഷിനെയും, മികച്ച ഗോളിയായി അൻവസ് നബുവിനെയും തിരഞ്ഞെടുത്തു.
ജൂനിയേർസ് ഫുട്ബോളിൽ റെഡ് വേരിയേഴ്സിനെ രണ്ടു ഗോളുകൾക്ക് പരാജയപ്പെടുത്തി ബ്ലൂ ലെജന്ഡ്സ് ചാമ്പ്യന്മാരായി. ലൂസേഴ്സ് ഫൈനലിൽ വൈറ്റ് ആർമിയെ ഒരു ഗോളിന് പരാജയപ്പെടുത്തി യെല്ലോ സ്‌ട്രൈക്കേഴ്‌സ് മൂന്നാം സ്ഥാനം നേടി.
വിജയികൾക്ക് ഇന്ത്യൻ സ്പോർട്ട്സ് കൗൺസിൽ ജന.സെക്രട്ടറി നിഹാദ് അലി , ക്യു.കെ. ഐ. സി പ്രസിഡന്റ്കെ .ടി. ഫൈസൽ സലഫി, വൈസ് പ്രസിഡന്റ് ഉമർ സ്വലാഹി, ട്രഷറർ മുഹമ്മദലി മൂടാടി എന്നിവർ ട്രോഫികൾ സമ്മാനിച്ചു.
